Koi Deewana Kehta Hai – by Dr. Kumar Vishwas

Awesome Poem by Dr. Kumar Vishwas (At Moksha’04, NSIT)

Koi deewana kehta hai, koi pagal samajhta hai,
Magar dharti ki baichani ko bas badal samajhta hai.
Main tujhse door kaisa hoon, tu mujhse door kaisi hai,
Yeh tera dil samajhta hai ya mera dil samajhta hai.

Mohabbat ek ehsason ki pawan si kahani hai,
Kabhi kabira diwana tha, kabhi mira diwani hai.
Yahan sab log kahte hain meri aankhon mein ansoon hain,
Jo tu samjhe to moti hai, jo na samjhe to pani hai.

Samandar pir ka andar hai lekin ro nahin sakta,
Yeh ansoon pyar ka moti hai, isko kho nahin sakta.
Meri chahat ko dulhan tu bana lena, magar sun le,
Jo mera ho nahin paya, woh tera ho nahin sakta.

Bhramar koi kumudini par machal baitha to hungama,
humaare dil mein koi khwab pal baitha to hungama.
Abhi tak dhoob kar sunte the sab kissa mohabbat ka,
Main kisse ko haqiqat mein badal baitha to hungama

Video Link : Youtube

Manav Jeevan…..

Manav Jeevan Path hai Kanto se Bharpoor

Lekin tum ko to Pratifal aage hi bhadate jana hai |

Kyoki kanto par chalne wale hi to

Saache karm-veer kehlate hai  |

Kar saham, jo nit aage hi bhadate jate hai

Unko Kante bhi Fulo se komal lagate hai |

Vish ka pyala pikar maran ka varan jo karte hai –

Wea hi toh iss jag mein mrityunjaya kehlate hai |

Fulo ki Shaiyya par sona sabko aacha lagta hai |

Lekin pooje wea hi jate hai jo Beendhe jate hai Shulo Se |